Takkar nei til båttilbod
Kvam brann og redning vil ikkje samarbeida med Uvs Vest AS om ein redningsbåt.
Det skriv leiar for Kvam brann og redning, Torleif Ones, i eit svar til firmaet.
Magnus Mæland i Uvs Vest tilbydde heradet å kjøpa ein båt som Kvam brann og redning skulle få nytta.
Ones skriv at han set pris på initiativ som bidreg til tryggleik i lokalsamfunnet, men at heradet må takka nei.
Ones forklarer avslaget med at båten alltid må vera tilgjengeleg for brannvesenet. Han skriv at det kan by på utfordringar for effektiv drift og vedlikehald om båten ikkje stettar alle behova. Han opplyser òg at brann- og redningsbåten som er tinga frå Sverige, skal vera i drift frå mars i år. I tillegg skriv han at han fryktar fordelinga av kostnadane med vedlikehald og drift ved å dela på båten.
Kvam brann og redning har prioritert ei løysing med sjølveigd båt for å sikra berekraftig og ansvarleg ressursforvalting, skriv Ones.
Les også:
