Straumen vart borte i Jondal
Heile Jondal vart mørklagd onsdag kveld.
Indre Hordaland Kraftnett mista straumforsyninga frå Mauranger litt etter klokka 22. Det opplyser Indre Hordaland Kraftnett i ei melding til kundane.
Straumen kom og gjekk eit par gonger hjå ein abonnent HF har vore i kontakt med. Det vart arbeidd med alternativ straumforsyning, ifylgje ei ny melding frå selskapet. Straumen kom att litt før klokka 23.50.
Artikkelen held fram under annonsen.
Det er meldt kraftige vindkast mellom anna i Jondal i kveld og natt, som fylgje av uvêret «Gerrit». Hardanger har dessutan varsel om monaleg snøskredfare.
