Straks klart til bruk

Det opplyser rektor Linda Haugland Jondahl til HF. Informasjonen kom etter at HF gjorde henne merksam på at leikeområdet såg ut til å vera opna tysdag 1. oktober.

Fleire elevar hadde teke ballbingen i bruk då HF passerte, men det var ikkje kome opp noka form for permanent sikring mellom bingen og Gamle Dalavegen. Det som stod mellom bingen og vegen, var ei rad med byggjegjerde.

Det betyr ikkje at skulen har gått bort frå kravet om at det skal vera gjerde ut mot vegen, forsikrar Haugland-Jondahl. Ho skriv i ein e-post at ho har fått melding om at det skal setjast opp gjerde ut mot vegen, og at det skal hengjast opp nett rundt ballbingen.

– Det er framleis litt arbeid igjen, og det skjer i haustferien, skriv ho til HF.

– Vart området teke i bruk av elevane utan godkjenning frå skulen?

– Det var ikkje elevar i skuletida, men eg reknar med at det var elevar som var ferdige på skulen, og som berre gjekk inn då dei oppdaga at gjerda var tekne vekk. Tilsette har fått melding om at me ventar til etter haustferien med å ta området i bruk, svarar rektor.

I området står det no eit byggjegjerde mot Gamla Dalavegen. Eit nytt kjem opp i haustferien, opplyser Jondahl. Det vert ikkje eit høgt gjerde. Gjerdet skal hindra at elevar spring rett ut i vegen. Til våren skal det plantast ein hekk mot vegen. Gjerdet vert ståande til hekken er tett og høg nok.

– Ser eg at dette ikkje er godt nok eller trygt nok, vil eg sjølvsagt gje melding om dette vidare, påpeikar ho.