Støttar børst attåt båtliv og bøker

Lisbeth Fredheim Oma (KrF) viste til at drikking er dårleg for folkehelsa og til at det kan henda ulukker når ein kombinerer alkohol og sjøliv. Berre nokre få øl påverkar evna til temperaturregulering, påpeika ho.

– Det kan få fatale konsekvensar, sa Oma, som viste til at fleire organisasjonar arrangerer store sommarkampanjar for eit rusfritt båtliv då formannskapet drøfta saka 15. juni.

Dei andre partia røysta for løyvet til å skjenkja øl og vin. Siv Håbrekke (Sp) meiner det er positivt å gje stiftinga ein ekstra – om enn kanskje ustø – fot å stå på i drifta. Ho minte òg om at søknaden tilseier at arrangement for born og unge ikkje skal krydrast med alkohol.

Heradsstyret avgjer saka i møtet 19.–20. juni.