Stor snøskredfare fleire stader i landet

Varsom.no melder onsdag om stor snøskredfare fleire stader i landet. Dei mest utsette områda ligg i Vestland og Rogaland fylke.

Både i Hardanger og Heiane er skredvarselet på raudt nivå, skriv varsom.no. Det vil seie at faren for at det kan gå eit snøskred er stor.

— Kraftig vindauke vil føre til stor vindtransport av snø inn i leheng. Skred kan utløysast både naturleg og av skiløpar. Unngå alt skredterreng, skriv nettstaden om skredfaren i Hardanger og Heiane.

Elles er det meldt oransje nivå, altså betydeleg skredfare, mellom anna i Sunnmøre, Salten, Svartisen, Trollheimen og i Jotunheimen. Snøskredvarselet gjeld frå torsdag 11. mars.

(©NPK)