– Stod meir open enn lukka
Børve grunneigarlag bestemte i vår at det skulle setjast opp ny bom ved innkøyringa til Sjusete. No er bommen på plass.
Dette skjer etter førespurnad frå fleire eigarar på Sjusete. Det skriv Torgeir Kristian Børve til Kvam herad, på vegner av Sjusete vegstyre. I fleire år har låsegrinda har stått meir open enn lukka, skriv han.
– Det har vore så mykje problem med at folk som ikkje har noko der å gjera eller ikkje har løyve til å køyra inn, likevel har gjort det. Andre har faktisk lyfta av grinda for å koma seg inn. Skrudd laus festet, og vore inn og «fantakøyrt», seier Børve til HF.
Hytte- og grunneigarane er veldig positive til tiltaket. Nett kva tid bommen vert teken i bruk, er uvisst, men det er rett rundt hjørnet, fortel han. Grinda skal vekk, men passasjen for gåande vert ståande.
Kvar grunneigar eller hytteeigar får utdelt éin nøkkel og kan leggja inn to telefonnummer hen kan ringja frå for å få opna bommen.
