Stengjer fleire skular og barnehage i Ullensvang
Også i Ullensvang vert fleire skular stengde måndag.
Jondal skule vert open som vanleg, men Hauso skule og Vikebygd skule vert stengde. Det same gjeld Aga barnehage.
Det melde kriseleiinga i Ullensvang kommune etter eit møte om vêrskiftet sundag.
Artikkelen held fram under annonsen.
Elles er beredskapsbåt på plass, saman med beredskapsferje mellom Jondal og Tørvikbygd. Helse Fonna plasserer ein ambulanse på strekninga mellom Jondal og Utne.
Fylkesveg 49 vert stengd mellom rundkøyringane ved Eitrheim og Saltkjelen frå klokka 21 i kveld. Også fleire andre vegar i Ullensvang vert stengde då.
Kommunen ber innbyggjarane om å sikra at vassvegane er frie nær bustader, og vera merksame på glatte vegar og fortau.
