Stengjer mellom Steinstø og Kvanndal
Fylkesveg 79 mellom Steinstø og Kvanndal vert stengd frå klokka 22 torsdag kveld.
Det opplyste Vegtrafikksentralen vest på X klokka 21.42. Vegen vert stengd på grunn av overfløyming fleire stader og fare for ras, ifylgje meldinga.
Ei ny vurdering av strekkja skal gjerast fredag klokka 10.
Artikkelen held fram under annonsen.
Torsdag kveld vart det kjent at Ålvik skule held stengt fredag på grunn av dette. Det vil heller ikkje vera tilbod om skuleskyss frå Ålvik og Fykse til Kvam ungdomsskule og Øystese skule. Det opplyser Elisabet Aarekol, konstituert rektor ved Kvam ungdomsskule, i ei melding til dei føresette.
Om vegen opnar etter vurderinga klokka 10, og føresette har høve til å køyra elevane, er dei velkomne, skriv Aarekol. Elles vil ein del lærarar ha vanskar med å koma seg på jobb, noko som vil påverka noko av undervisninga.
