Stenger E16 i 24 timar
Ein stor støypejobb ved Dalseidtunnelen stengjer E16 mellom Bergen og Voss i eitt døger 19. oktober.
Publisert
Det går fram av ei pressemelding frå Statens vegvesen.
– Arbeidet er lagt til ein laurdag, for å gje minst mogeleg heft for trafikantane, seier prosjektleiar Eirik M. Røthe.
Annonse
Arbeidet byrjar klokka 06. Omkøyring for gjennomgåande trafikk er vegen frå Trengereid via Norheimsund til Voss. Trafikkdirigentar på Voss og i Trengereid skal sikra at trafikantane køyrer rett veg.
