Stengd veg etter steinsprang

Fylkesveg 49 mellom Nordrepollen og Austrepollen vart stengd på grunn av steinsprang laurdag.

Det opplyste Statens vegvesen på heimesida laurdag ettermiddag. Det gjekk fram at vegen vil vera stengd til klokka 12 sundag, men at tidspunktet var usikkert og kunne verta endra.

Vegvesenet melde òg om fare for vassplaning på fylkesveg 79 mellom Ålvik og Granvin. Vegtrafikksentralen oppmoda om å lata bilen stå om det er mogeleg. Mange vegar på Vestlandet var stengde.

I Eidfjord og Ullensvang gjekk det fleire skred laurdag, og fleire vart evakuerte. Laurdag kveld var fylkesveg 550 stengd ved Måge og riksveg 13 stengd ved Byrkjenes. Riksveg 13 kunne på kort varsel verta stengd ved Oddadalen eller Sandvinvatnet, opplyser Ullensvang kommune i ei pressemelding.

Den kommunale kriseleiinga er i sving, og skal møtast att sundag morgon.