Ullensvang kommune må i samarbeid med Boliden Odda AS danna ei arbeidsgruppe med målom å finna bruksområde for dei utsprengde steinmassane frå nye fjellhallar.
Det føreslår Kåre Grønsnes (SV) i ein interpellasjon til kommunestyremøtet 15. september. Han er oppteken av å få slutt på dumping av stein i Sørfjorden.
Heilt sidan Norzink vart pålagt å byggja fjellhallane, har det meste av steinmassane hamna i sjøen. Det har vore ymse forsøk på å utnytta massane, men utan hell, skriv kommunestyrerepresentanten.
I dag føregår det ikkje utsprenging av nye hallar, men det vil nok koma nye, trur han. Grønsnes meiner difor at ein bør planleggja for å utnytta ressursane.
– Det er også miljømessige grunnar til at steindumpinga i Sørfjorden ikkje kan halda fram, påpeikar han.
