Statsforvaltaren er positiv
Arbeidet med ny dam ved Bjølsegrøvatnet vil føra til nye arealinngrep, men viktige natur- og friluftsinteresser er varetekne, meiner Statsforvaltaren.
Publisert
I ei fråsegn til detaljplanen for miljø og landskap uttalar han at Statsforvaltaren legg til grunn at nye naturinngrep vert avgrensa så langt som råd, at tiltaka vert godt tilpassa terreng og landskap, og at området vert stelt etterpå i tråd med moderne praksis.
Rehabiliteringa vil ha stor samfunnsnytte, så nokre ulemper må aksepterast, skriv han. Til liks med formannskapet i Kvam tilrår Statsforvaltaren god dialog med turinteresserte i anleggsperioden.
Annonse
Også Kvam herad skal uttala seg om detaljplanen. Fristen er 28. juni. Saka har vore drøfta av planutvalet og formannskapet. Heradsstyret skal vedta fråsegna 20. juni.
HF gjer merksam på at redaktør Sigbjørn Linga eig ein fritidsbustad ved Bjølsegrøvatnet. Red.
