Spleis gav bygda kulør
Sommarblomane i Øystese er sikra, takk vere eit spleiselag.
I alt har det tysdag 11. mai kome inn over 13.000 kroner i innsamlingsaksjonen på nettstaden spleis.no, som den lokale prosjektgruppa i Livoglyst sette i gang.
Pengane går til sommarblomar i bygda. Dessutan, fortel Marit Buttingsrud, har Livoglyst drista seg til å tinga fire nye blomekassar frå Blikkenslager Flotve AS.
Tysdag stilte gode krefter opp for å planta blomar i dei no til saman åtte kassane på brua. Også i rundkøyringa er i ferd med å få farge.
Over ti personar var i sving på dugnaden tysdag. Deltakarane har mellom anna raka og spyla gangvegane i Øysteseparken.
— Me finn stadig nye gjeremål i sentrum medan me arbeidet, så det er eigentleg litt for lenge å venta i 14 dagar på neste dugnad. Me har det sabla kjekt, fortel Marit Buttingsrud i Øystese Næringslag.
