Sparebanken Vest og Sparebanken Sør slår seg saman
Sparebanken Vest og Sparebank Sør slår seg saman. Arbeidet med å finne eit nytt namn er i full gang.
– Gjennom samanslåinga blir vi ein endå meir offensiv og solid aktør, som skal vere like nære og lokale som før. Vi blir ein sterk og samfunnsengasjert bank, som skal levere dei beste banktenestene i landet til kundane våre, seier konsernsjef Jan Erik Kjerpeseth i Sparebanken Vest i ei pressemelding.
Han blir konsernsjef i den samanslegne banken, som enno ikkje har fått eit nytt namn og merkevare. Bankane opplyser i ei børsmelding at arbeidet med å finne eit nytt namn er i gang.
Artikkelen held fram under annonsen.
Lokalkontora vil derfor bestå slik dei er i dag, og vil utgjere til saman 67 kontor. Hovudkontoret til den nye banken i Kristiansand vil bli bygd om og modernisert.
– Vi får ein svært sterk marknadsposisjon, som gjer at vi kan sikre samfunnseigarskapen vår, auka konkurransekraft for næringslivet, og overskotsdeling i form av kundeutbytte og gåver til allmennyttige formål, seier konsernsjef Geir Bergskaug i Sparebanken Sør.
Finansforbundet ønskjer samanslåinga velkommen.
– Finansforbundet er positiv til alle initiativ som bidreg til ein vedhaldande sterk sparebanksektor i Noreg. Dette initiativet er viktig for utvikling og støtte til lokalt næringsliv – og å halde oppe kompetansearbeidsplassar på sør- og vestlandet. Vi er fornøgde med at det blir meldt om å satse vidare på spennande utviklingsmoglegheiter for dei tilsette, seier Finansforbundet-sjef Vigdis Mathisen.
(©NPK)
