Klaus Skjeldal går av som sorenskrivar ved Hardanger tingrett (biletet) etter 19 år i tenesta, melder tingretten i ei pressemelding. Eller som det heiter på fagspråket: Han har fått avskil i nåde av justisministeren.
Skjeldal byrja i embetet 8. november 2001. Tingretten held ei lukka tilstelling for å takka han for tenesta.
Annonse
Frank Schmidt er konstituert sorenskrivar frå 24. august. Han har arbeidd som tingrettsdommar ved Sunnhordland tingrett dei siste 13 åra, ifølge Hardanger Folkeblad. I 2019 var han konstituert sorenskrivar i sju månader.
