Solceller enda med nei
Helge Karlsøen får ikkje leggja solceller på hustaket i Villabyen i Ålvik.
Statsforvaltaren har sett punktum i solcellesoga, etter at Karlsøen klaga på det kommunale avslaget han fekk i haust. Bakgrunnen for avslaget var innvendingar frå fylkeskommunen som hang saman med at huset ligg i eit verna område med særeigen arkitektur.
Statsforvaltaren er i det store og heile samd med Kvam herad, som meiner ein risikerer ymse uttrykk på taka om ein opnar for tiltak det ikkje finst eigne føringar for i reguleringsplanen.
Ho viser til at bygget ligg sentralt og at panelet på 52 rutemeter vil vera godt synleg frå vegen og bustadområdet mot sør. Både nær- og fjernverknaden vil vera markant, heiter det i avgjerda.
Skal ein tilpassa seg nye tider og løysingar som tek omsyn til klimaet, bør det skje gjennom endring av planverket, meiner Statsforvaltaren.
