Snart kjem tæpping til Vipps
Snart lanserer Vipps ei digital lommebok som eit alternativ til Apple pay.
– Vi har kjempa så lenge for å kunne tilby brukarane våre eit norsk alternativ til Apple Pay. Derfor gler vi oss enormt til å kunne rulle ut tæpping til heile Noreg i desember, seier Rune Garborg, sjef i Vipps Mobilepay.
Løysinga, som ventar på testing og godkjenning i App-store, skal la brukarar betale med mobilen på alle kortterminalar som aksepterer BankAxept-kort ved lansering, skriv Vipps i ei pressemelding.
Artikkelen held fram under annonsen.
Før sommarferien blir tæpping også tilgjengeleg med Visa- og Mastercard-kort, og det blir mogleg å tæppe med Vipps også utanfor Noregs grenser, skriv selskapet.
(©NPK)
