Smittevernsrapport avdekte manglande rutinar

Kvam vidaregåande skule har kring 200 elevar, fordelte på fire utdanningsprogram. I Steinsdalen held elektro og teknikk- og produksjon til, medan studiespesialisering og helse- og oppvekstfag held til i Øystese.

Skulebygningane har forholdsvis små fellesareal og smale gangar. Spesielt er fellesareala i Øystese ei utfordring, står det i rapporten som bedriftshelsetenesta Avonova har utarbeidd for fylkeskommunen. I Steinsdalen er fellesareala større, men til gjengjeld er klasseromma mindre.

Skulen rapporterer at det har vore smitte mellom tilsette, men at det ikkje har vore smitte mellom elevar i skulesituasjonar. Fleire lærarar lyt regelmessig flytta seg mellom skulen i Øystese og skulen i Steinsdalen. To av lærarane har dessutan annan jobb utanom. Elevar som har vorte smitta, er smitta i situasjonar utanfor skulen.