Smitteutbrot veks på Voss
Tre nye smittetilfelle er påviste sundag. Truleg har dei smitta mange nærkontaktar.
Det melder Voss herad i ei pressemelding sundag. Alle dei tre tilfella er knytte til Vossamed, eit av dei to legekontora som vart stengde på grunn av koronasmitte før helga.
– Eit stort tal nærkontaktar må følgjast opp, og det vil ta noko tid for smittesporingsteamet å koma i kontakt med alle. Voss herad ber difor alle som har vore inne hjå Vossamed legesenter måndag, tysdag eller onsdag denne veka, om å gå i karantene fram til smittesporingsteamet har fått kontakt med alle som er definerte nærkontaktar, skriv heradet.
