Smitteutbrot i Ulvik i Hardanger – innfører strenge lokale tiltak
Ulvik kommune i Hardanger innfører nye smitteverntiltak etter ni smittetilfelle over to dagar.
Alle dei ni tilfella vart påviste denne helga. Derfor held ein barnehage stengt og sju skuleklassar er i karantene, skriv Bergens Tidende. Kommunen melder at alle smittetilfella er relaterte til kvarandre, og at smittevegen er kjend.
– Dette er eit ganske stort utbrot for ein liten kommune, fortel ordføraren Hans Petter Thorbjørnsen (Ap) til avisa.
Artikkelen held fram under annonsen.
150 til 200 personar skal testast dei kommande dagane. All organisert trening blir stansa, treningssenter blir halden stengt og det same gjeld andre aktivitetslokale. Tiltaka vil gjelde i ei veke.
(©NPK)
