Smittefri påske i Kvam
Det er ikkje registrert nye personar som er smitta av koronaviruset i påsken.
Dette skriv Kvam herad på heimesida tysdag. Dermed er det offisielle smittetalet framleis åtte.
Kommuneoverlege Dag Erlend Skjelbreid seier at sjølv om koronaviruset får mykje merksemd, skal ikkje folk vera redde for å kontakta lege om andre utfordringar. Han skjønar at nokre kan kvi seg for å belasta helsevesenet unødvendig, eller er redde for smitte.
Artikkelen held fram under annonsen.
– Gode smitteverntiltak er sette i verk på legekontora. Det er viktig at alle som har helseplager som ikkje er knytte til koronaviruset, tek kontakt med fastlege eller legevakt, seier han.
