Sluttar som verksdirektør i Ålvik

Hroar Holm Carlsen har slutta i jobben som direktør på smelteverket Elkem Bjølvefossen i Ålvik.

Frå og med 1. januar startar han i ny jobb som verksdirektør ved Elkem Bremanger.

Det melder selskapet sjølv i ei pressemelding.

– Passande tidspunkt

Carlsen fortel at han har hatt det veldig fint på verftet i Ålvik, men då tilbodet i Bremanger kom, var tidspunktet passande for å flytta på seg.

– Eg har vore i Ålvik i snart fem år no, og det er ganske vanleg å byta direktørjobb etter såpass med tid.

– Det ein ikkje har fått til i løpet av fem år, får ein vel kanskje heller ikkje til, seier han.

Les også:

Carlsen har hatt direktørjobben i Bremanger tidlegare, før han kom til Ålvik.

– Men det er ikkje slik at eg har lengta tilbake. Eg har hatt det kjempefint i Ålvik med fantastiske kollegaer, gjentar han.

Carlsen har budd i Høyanger saman med familien medan han har jobba i Ålvik. No får han litt kortare pendlarveg til Høyanger.

Skal finna ny direktør

Visepresident i Elkem, Lars-Arne Stalheim, er fornøgd med at Carlsen har takka ja til tilbodet i Bremanger.

– Hroar har gjort ein utmerkt jobb dei siste fem åra i Bjølvefossen, seier han i pressemeldinga.

No startar jobben med å finna ein ny direktør til Bjølvefossen i Ålvik.

Halvard Lilletveit, som i dag er produksjonssjef ved verket, skal fungera som direktør fram til ein permanent erstattar er tilsett.