Sluttar i Visit Fonna
Michael Iversen sluttar som dagleg leiar i Visit Fonna AS 1. august.
Publisert
Sist oppdatert
Iversen har vore tilsett i stillinga sidan mars 2019.
— Det har vore spanande og gøy å jobba for ei bedrift som leverer eit bra produkt. Ikkje berre til skiglade hardingar og nordmenn, men til folk frå heile verda, seier Iversen.
Annonse
I august startar Iversen i ny jobb som sals- og marknadssjef for Odda Digital System AS.
— Kva tenkjer du om framtida til Folgefonna?
— Eg håpar at Ullensvang kommune kan koma på banen og hjelpa til med å få på plass snøkanonar. Både for skisenteret, kommunen og regionen sin del, seier Iversen.
Elles kan Iversen røpa at Visit Fonna vert overlevert til trygge hender.
