– Slo rundt seg og køyrde i fylla
Ein mann frå Kvam er tiltala for mellom anna å ha øydelagt fleire gjenstandar og for å ha køyrt i rusa tilstand.
Publisert
Sist oppdatert
Det kjem fram i ei tiltaleavgjerd frå Hordaland tingrett.
I januar skal mannen i 30-åra ha teke seg inn i ei leilegheit der hans tidlegare sambuar oppheldt seg, og oppført seg skremmande. Mannen skal ha slått rundt seg, og ein tv, ein kommode og ei dør skal ha vorte øydelagde.
Annonse
Mannen vart vist vekk av politiet, men han retta seg ikkje etter pålegget.
Seinare same dag skal den tiltala ha køyrt ein bil under ruspåverknad, og køyrt i ein garasjeport. Ein blodprøve som vart teken av han nokre timar seinare, viste utslag på narkotiske stoff tilsvarande ein promille på 1,2.
I mars skal mannen ha sete rusa bak rattet att. Ein blodprøve viste ein alkoholpromille på 1,31 i tillegg til narkotikarus.
Den tiltala lyt møta i retten i midten av november.
