Slik var sommaren i badet
Besøkstalet i Hardangerbadet auka i både juli og august samanlikna med fjoråret.
I juli, som vêrmessig var ein god månad for badeanlegg, vitja 274 fleire gjester anlegget, slik at i alt 6.568 var innom. I august enda gjestetalet på 3.767, som er 206 fleire enn i same månad i 2022.
Ein del av besøka står medlemer for, medan andre kjøper enkeltbillettar. Salet av enkeltbillettar auka med høvesvis 564 og 286 i juli og august. Flest vart selde i juli: 6.262. I juni, som baud på mykje sol og varme, minka salet med 1.008 frå i fjor til 844.
Medrekna i salet av enkeltbillettar er dei som får tilgang som gjest på Hardangerfjord Hotel. Desse vart det færre av i både juli og august samanlikna med 2022.
I august hadde anlegget 758 medlemer, ein auke på 8 frå juni. På det meste, i desember 2020, var 1.079 medlemer registrerte.
I årets åtte fyrste månader hadde anlegget salsinntekter på nær 5,9 millionar kroner. Andre inntekter auka monaleg som fylgje av at Kvam herad har auka den årlege løyvinga til drifta av anlegget med 2,1 millionar til 3,1 millionar kroner. Det inneber at resultatet i dei to fyrste kvartala er svakt positivt.
Tala går fram av rapporten Hardangerbadet AS må senda Kvam herad som fylgje av politiske vedtak.
Les også:
