– Skjenkte brennevin for seint
Tyst har pådrege seg sine fyrste prikkar frå skjenkjekontrollen.
Utestaden i Holmatun i Øystese som opna i februar, serverte brennevin ved to høve etter at skjenkjetida var ute natt til 10. april.
Dei fleste av dei om lag 200 gjestene til vassholet på det tidspunktet kom frå Øystesehallen, der det hadde vore konsert denne kvelden, ifylgje tilleggsrapporten frå skjenkjekontrollen.
Annonse
Verksemda, som ikkje hadde merknader til rapporten, er tildelt fire prikkar etter hendingane. Får ho 12 prikkar over to år, kan skjenkjeløyvet verta inndrege i ei veke.
