Skal stengja Grovagjelet

Kvam herad har søkt Statens vegvesen om å vedta å stengja vegen i Norheimsund. Årsaka er gravearbeid i samband med bygging av den nye vidaregåande skulen.

– På grunn av avgrensa vegbreidd syner det seg at det vert vanskeleg å oppretthalda køyrebane i tillegg til areal for gåande på strekkja, skriv Kvam herad.

Planen er å etablera areal for gåande på austsida av vegen, slik at brukarane av eigedomane får tilgang. Det vert forbode å parkera langs Grovagjelet når vegen er stengd, noko som inneber at bebuarane i sju bustadhus mellombels må finna andre parkeringsplassar enn langs vegen.