– Skal hogga ned juletre
På Bergsneset i Strandebarm er det planta juletre. Kvam herad spør i eit brev til grunneigaren kva som skal skje med dei.
Jan Tjosås, leiar for næring i Kvam herad, skriv at ei juletreplanting skal haustast når trea har høveleg høgd. Brevet vart sendt til grunneigaren 2. september. Tjosås viser til at fleire naboar har teke opp juletrea med han. Han spør kva planen med dei er, sidan dei no er blitt for store til å verta rekna som juletre. Innspela har kome på telefon, og dei er ikkje dokumenterte i saka.
19. oktober svara ein mann på brevet på vegner av grunneigaren. Han skriv at planen er å hogga ned alle trea i løpet av tre år, men å behalda fem tre langs sjøkanten mot aust. Juletrea langs hytta til ein nabo vil verta fjerna, skriv han.
