– Skal ha stole tablettar

Kvinna, som har vore tilsett ved institusjonen, er primært tiltala for grovt tjuveri, subsidiært for grovt underslag. Ho er òg tiltala for å ha oppbevart narkotika. Det kjem fram i ei tiltaleavgjerd frå politimeisteren i Vest politidistrikt.

Ifylgje tiltaleavgjerda skal kvinna mellom juli i fjor og januar i år ha stole over 150 tablettar frå eit låst medisinrom på arbeidsplassen.

Advokat Asgeir Ohnstad forsvarar kvinna. Han seier til HF at han har planlagt eit møte med klienten, og at han ikkje har grunnlag for å uttala seg om saka enno.

Saka skal opp i Hordaland tingrett etter sommaren.