Sjuragarden hevda seg i drikketevling
Eplemostar frå Sjuragarden i Norheimsund fall i smak hos juryen i Norges Beste Drikke (NBD).
Publisert
Sist oppdatert
Kåringa vart gjennomført i Landbrukets Hus i Oslo torsdag, skriv NBD i ei pressemelding. Sjuragarden-produkta Eplajuice Aroma og Eplajuice Summerred var nominerte i kategorien eplemost. Begge delte tredjeplassen med ni andre produkt.
Trass tredjeplassen fekk mostane gullmedaljar. I NBD vert alle produkta som juryen meiner held eit visst nivå, premierte med gull.
Annonse
– Dette kom noko uventa, men det er sjølvsagt svært kjekt med gode tilbakemeldingar på produkta våre, skriv innehavar Karin Mo Valland i ein e-post.
Ifølgje pressemeldinga er NBD den største nasjonale tevlinga for drikkeprodusentar. I år var 358 produkt melde på i ni kategoriar. Det er ny rekord, og om lag hundre fleire enn i fjor.
