Sjekka farten på Torpe
Kvam herad har sett ut fleire elektroniske fartstavler som eit tiltak for trafikksikring. Ei av tavlene er plassert i Torpevegen.
Tavla har vist farten til trafikken på ein stor skjerm. I tillegg har ho registrert kor mange køyretøy som har passert og kva fart køyretøya har hatt.
Fartsgrensa på staden er 30 kilometer i timen. I perioden 27. mai–6. juni låg gjennomsnittsfarten på 24 kilometer i timen. Det kjem fram i ein kommunal rapport om trafikkmålinga.
Annonse
1.039 køyretøy passerte tavla i perioden. 104 av desse låg over fartsgrensa, og den høgaste farten var 76 kilometer i timen.
