Sjekka el-anlegget i Kabuso

Det lokale eltilsyn (DLE) har avdekka feil på det elektriske anlegget til Kunsthuset Kabuso i Øystese.

I ein kontroll 16. november fann tilsynet at det var manglande merking og vern mot elektrisk støyt i eit teknisk rom i kjellaren, provisoriske tilkoplingar i kjøkkenet, utstrekt bruk av skøyteleidningar ved ein miksepult og ikkje tilfredsstillande tilgang til hovudtavla.

DLE vurderer å treffa vedtak med plikt til å retta dei feil og manglar som kjem fram i tilsynsrapporten. Dei påviste feila må rettast av registrert installatør.

DLE ligg i Kvam til Kvam Energi Nett AS.