– Sjå på fartsgrense på nytt!
Fartsgrensa på vegen frå Løyning til Neteland i Steinsdalen bør vurderast på nytt.
Publisert
Det ber Odd Træbakken og Kari Bente Valland Træbakken om i eit straumbrev til rådmannen i Kvam.
Vegen frå krysset i Hauasund til Løyning har no fartsgrense 30 kilometer i timen. Frå Løyning til Neteland er fartsgrensa 50 – eller er det 80? spør paret.
Annonse
Dei ynskjer at fartsgrensa også frå Løyning til Neteland vert sett til 30 kilometer i timen, slik at ho vert den same på heile strekkja. Vegstrekkja er skuleveg, og har på- og avstiging for skulebussen der 30-grensa sluttar. Langs vegstrekkja står bustadhus tett inntil vegen, og born leikar i området, skriv ekteparet. Vegen er trafikkert av tunge køyretøy.
