Sende kraftline på høyring

Noregs vassdrags- og energidirektorat (NVE) har sendt meldinga frå Statnett SF om ny kraftline frå Blåfalli til Samnanger på høyring, med frist 16. januar. Det vil ifylgje meldinga verta skipa til folkemøte om saka, men desse er ikkje tidfesta enno.

HF skreiv i det vide og breie om kraftlina i haust. Endringane påverkar ikkje minst strekninga mellom Mauranger og Belsnes, der ynsket til Statnett er å riva den gamle lina og setja opp ei ny nærare fjorden og fleire stølar.

Når høyringa er over, skal NVE fastsetja krav til konsekvensutgreiingane Statnett må gjennomføra. Direktoratet ynskjer særleg innspel om manglar i framlegget frå kraftselskapet, om dei melde traseane og om nye trasear som bør vurderast.

Statnett skal orientera formannskapet i Ullensvang om tiltaket i møtet 31. oktober. Også 19. juni var Statnett gjest i lokalpolitikken, den gongen i kommunestyret, for å orientera om planane.