– Sende hytteklagar vidare
Ingen hadde innvendingar då Kvam miljø-, plan- og bygningsutval handsama klagesaka om den planlagde hytta til Øystese Røde Kors Hjelpekorps onsdag.
Publisert
Ei ny hytte vil kunna bidra til betre rekruttering og eit meir aktivt hjelpekorps, meiner hjelpekorpset. Ikkje alle partane i saka er positive til bygget.
Vedtaket i planutvalet om å godkjenna dispensasjonssøknad, rammeløyve og frådeling av ei tomt vart påklaga av tre av partane. Klagane tok mellom anna opp manglande kunngjering av vedtak, storleik på hytta, parkering, vegtilkome og frykt for auka trafikk og støy.
Annonse
Eit samrøystes planutval er samd i vurderinga til rådmannen, som meiner det ikkje har kome nye opplysningar som talar for å endra eller oppheva vedtaket.
Saka vert send til endeleg avgjerd hjå Statsforvaltaren.
