Samtalar i Stovo
– Kva er tru?
Det spørsmålet vil filosofiprofessor ved Universitetet i Agder, Einar Duenger Bøhn, drøfta laurdag 26. august. Då kjem han til Nes Gard mellom Øystese og Norheimsund. Der kan folk møtast og prata om aktuelle tema, i regi av den nye organisasjonen Samtaler i Stovo.
Ifylgje Henni Toft på garden er Bøhn ein nyskapande professor som tøyer grensene for kva filosofi er og korleis den kan brukast. Han har laga ei rekkje podkastar om mellom andre Nietzsche, Kierkegaard og Bibelen og delteke i program på NRK Radio. Han har òg gjeve ut ein del bøker om teknologi, metafysikk, Gud og meininga med livet.
Bøhn har med seg sitt eige band, som spelar kjende Alf Prøysen-songar.
I vår hadde Samtaler i Stovo to føredrag om kunstig intelligens. I haust kjem tre føredrag om tru, von og kjærleik, opplyser Toft.
