Samanslåtte kommunar har blitt betre på digitalisering
Nye kommunar jobbar systematisk med å utvikle digitale løysingar for å understøtte betre involvering av innbyggjarane, ifølgje fersk rapport.
Det er by- og regionforskingsinstituttet NIBR ved Oslomet som i samarbeid med Universitetet i Oslo har evaluert planlagte lokaldemokratitiltak i samanslåingskommunar.
− Rapporten viser at verktøykassa for lokaldemokrati har blitt større, og at dei nye kommunane ønskjer å legge til rette for eit godt lokaldemokrati. Det er all grunn til å gi honnør til det gode arbeidet som er lagt ned i å utvikle lokaldemokratiet i desse kommunane, seier kommunal- og moderniseringsminister Nikolai Astrup i ei pressemelding.
Artikkelen held fram under annonsen.
Evalueringsrapporten viser blant anna at fleire kommunar vil ta i bruk kommunedelsutval. Mange kommunar planlegg også å samarbeide tett med den frivillige innsatsen og engasjerte innbyggjarar gjennom ulike former for innbyggjarpanel, dialogmøte og liknande.
Ifølgje forskarane har mange av dei nye kommunane planar om å bruke digitale løysingar i arbeidet med lokaldemokratiet, truleg i større grad enn resten av Kommune-Noreg.
− Det er flott å sjå korleis nye kommunar jobbar systematisk med å utvikle digitale løysingar for å understøtte betre involvering av innbyggjarane, seier Astrup
(©NPK)
