Den 21 år gamle mannen som vart meld sakna i Ålvik måndag kveld, vart funnen død tysdag ettermiddag. Han vart funnen i terrenget. Politiet har ikkje mistanke om at noko kriminelt har skjedd, opplyser operasjonsleiar Tatjana Knappen ved Vest politidistrikt. Kring tjue personar og fleire hundar leita etter mannen i fjellet i Ålvik tysdag. Han vart etterlyst av familien då han ikkje kom att frå ein fjelltur i går kveld, opplyser innsatsleiar Rune Vedeler. Bilen til mannen vart oppdaga på ein parkeringsplass om lag halvvegs opp skogsbilvegen Damvegen, som går til Heller-området. Politiet søkte difor med den staden som utgangspunkt. Fleire i Røde kors vart frakta med helikopter til hytter i området. Politiet, Norske redningshunder og Røde kors var involverte i søkinga. I tillegg fekk leitemannskapa hjelp av lokale frivillige og folk frå Elkem Bjølvefossen.
Lite å gå etter
Lensmann Terje Sperrevik i Kvam, Fusa og Tysnes lensmannsdistrikt opplyste tidlegare i dag til HF at leitemannskapa har vore i sving sidan litt før midnatt. Ein hundepatrulje i politiet kom i føremiddag frå Bergen for å bidra i leitinga, i tillegg til to ekvipasjar frå Norske redningshunder.
Artikkelen held fram under annonsen.
Politiet og Røde kors er på plass i Damvegen.Hundepatruljen til politiet er på plass, pluss ekvikapasjar frå Norske redningshunder. Foto: Eirik Dyrøy Lotsberg
