Dei 2.300 Gjensidige-kundane i Kvam får utbetalt 6,4 millionar kroner i kundeutbyte. Det gjev eit snitt på om lag 2.800 kroner kvar, opplyser selskapet i ei pressemelding.
Dei 3.100 kundane i Ullensvang får utdelt til saman 8,9 millionar kroner, i snitt om lag 2.800 kroner.
Annonse
Det er 13. året på rad at Gjensidige deler ut aksjeutbyte til eigarane. Mesteparten går til Gjensidigestiftinga, som sender utbytet vidare til kundane. På landsbasis deler stiftinga ut kring 2,2 milliardar kroner til 800.000 kundar.
I tillegg til å dela det ordinære aksjeutbytet med skadeforsikringskundane, deler stiftinga ut pengar til samfunnsnyttige føremål.
