Dagleg leiar i Sparebankstiftinga Hardanger, Gunnar Skeie, opplyser at stiftinga har etablert eit koronafond på to millionar kroner for å bøta på dei problema som lag og organisasjonar får som fylgje av pandemien.
Pengar frå fondet kan søkjast om av frivillige og ideelle lag, foreiningar og organisasjonar som held til i Hardanger og på Voss.
Annonse
Ein kan søkja om kompensasjon for bortfall av inntekter som fylgje av pandemien og for kostnader med digital gjennomføring av lokale arrangement og aktivitetar.
Stiftinga tek i mot søknader frå og med 1. juni. Utbetaling vert gjort straks etter kvart som kvar søknad er godkjend.
