– Røykutvikling i Ålvik
Brannmannskap og politi rykte ut til røykutvikling i ein verkstad i Ålvik måndag 8. juli.
Publisert
Sist oppdatert
Det opplyste Vest politidistrikt på X klokka 13.16. Meldinga kom til naudetatane klokka 13.06.
Ifylgje politiet skal alle personar til stades ha kome seg ut, og det vart ikkje opplyst om personskade. Det var heller ikkje risiko for spreiing, står det i meldinga.
Annonse
Det var lite dramatikk og god kontroll på staden, seier vaktkommandør Shahrooz Laooti ved 110-sentralen til HF.
– Det har vore røykutvikling i to konteinarar som er sette opp som ein verkstad, skreiv politiet klokka 13.34.
Klokka 14.08 opplyste politiet at dei hadde vore i kontakt med eigaren. Det skal vera sot- og brannskadar på staden.
