Rettssak byrjar 8. februar
Snart startar rettssaka mellom lakseoppdrettarane på Vestlandet og staten i Sogn og Fjordane tingrett.
Begge partar i saka har no levert sluttinnlegga sine, skriv iLaks.
I fjor sommar varsla 25 lakseoppdrettarar søksmål mot staten. Havbruksbedriftene mellom Nordhordland og Stad var usamde i avgjerda frå Nærings- og fiskeridepartementet om at Produksjonsområde 4 (PO4) fekk raudt lys i det nye trafikklyssystemet. Avgjerda medførte at alle havbruksselskap mellom Nordhordland og Stad innan 5. august 2020, måtte redusere produksjonen med seks prosent.
Artikkelen held fram under annonsen.
Havbruksbedriftene meinte at verken det juridiske- eller det kunnskapsmessige grunnlaget var godt nok i det nye trafikklyssystemet.
I sluttinnlegget frå lakseoppdrettarane heiter det at vedtaket staten har gjort om nedjustering av tillaten kapasitet, ikkje er bindande for oppdrettarane. Vidare er det lagt ned påstand om at staten er erstatningspliktig i saka.
«Staten gjør gjeldende at vedtaket om å nedjustere produksjonsområdet er en forskrift, og ikke formueriktige enkeltvedtak, slik saksøkerne hevder. Vidare har forskriften tilstrekkeleg hjemmel i lov, og den bygger på et korrekt faktum», skriv regjeringsadvokat Hilde Lund, mellom anna, om synet staten har på saka.
