Regjeringa lagar eigen krisepakke for media på 300 millionar kroner

Regjeringa vil foreslå ei kompensasjonsordning for medium som har tapt inntekter på koronakrisa, seier kulturminister Abid Raja (V).

Ordninga vil vere på i alt 300 millionar kroner og vil bli lagt inn i det reviderte statsbudsjettet, som skal behandlast 12. mai, kunngjorde Raja i opningstalen sin på Nordiske mediedagar.

Fakta om krisepakke til media

* I revidert nasjonalbudsjett skal regjeringa foreslå ei kompensasjonsordning for redaktørstyrte medium

* Nasjonale medium som har eit samla inntektstap på minst 20 prosent i perioden 1. mars til 5. juni, skal få søkje

* For lokale og regionale medium kan inntektstapet vere minst 15 prosent

* Media vil få kompensert inntil 60 prosent av inntektstapet, avgrensa til opptil 15 millionar kroner

* Kompensasjonen blir justert for eventuelle journalistar i permisjon og innsparingar/støtte frå andre covid-19-tiltak

* Regjeringa foreslår ei ramme på maksimalt 300 millionar kroner

Kjelde: Pressemelding frå regjeringa