Regjeringa kjem med påskeferieråd fredag
Fredag kjem regjeringa med råd om påskeferien på ein pressekonferanse. Statsministeren rår folk på sterkaste mot å reise utanlands.
Justis- og beredskapsminister Monica Mæland (H) og helse- og omsorgsminister Bent Høie (H) deltek på pressekonferansen.
På pressekonferansen til regjeringa tysdag bad statsminister Erna Solberg (H) nordmenn om ikkje å reise utanlands i påska. Nordmenn i utlandet vart bedne om å ikkje reise heim. Dette gjaldt òg studentar.
Artikkelen held fram under annonsen.
Under ei direktesending på Instagram med helseminister Bent Høie (H) torsdag kveld, gjentok Solberg bodskapen og åtvara dei som likevel vurderer å feriere utanlands.
– Vi kjem kanskje til å setje folk på hotell dersom dei reiser tilbake frå ferie i utlandet etter påske, uttalte Solberg.
Noko meir om kva tiltak regjeringa vil innføre i samband med påska ville ho ikkje eige, men viste til Høies varsla pressekonferanse fredag. Solberg varsla at regjeringa vil komme med konkrete tilrådingar.
– Kor strenge dei blir, vil avhenge av smitteutviklinga den næraste tida, sa Solberg på pressekonferansen tysdag.
(©NPK)
