– Redningsaksjon i Kvam
Det vart sundag kveld sett i verk ein redningsaksjon i Tørvikbygd.
Årsaka var ei melding om ein sakna person. Meldinga kom klokka 22.41.
Både naudetatar og mannskap frå frivillige organisasjonar deltok i aksjonen, opplyste Vest politidistrikt klokka 23.40.
Artikkelen held fram under annonsen.
Klokka 01.26 melde politiet at den sakna var komen til rette, og aksjonen vart avslutta.
Innsatsleiar og politioverbetjent Per Gunnar Thrane i Kvam, Samnanger og Tysnes politistasjonsdistrikt trur at i alle fall tretti personar var med på leitinga då aksjonen vart avblåsen. Fleire var på veg. Mannskap frå mellom anna Raudekrossen og Norske Redningshunder var med, fortel Thrane, som rosar den frivillige innsatsen.
