Raudekrossen-hytte får ein halv million

Ein ny tildelingsrunde er gjennomført, opplyser dagleg leiar Gunnar Skeie i ei pressemelding. I alt er nær 13,1 millionar kroner fordelte.

Den største summen er ein million som tidlegare er lova til ny kinosal i samband med ny vidaregåande skule i Norheimsund. I tillegg får Raudekrossen 500.000 kroner til ny lagshytte ved Hamlagrø, Øystese Fotballklubb 419.800 kroner til nytt kunstgras og Herand Idrettslag 400.000 kroner til opprusting av stien til turmålet Samlen.

819.800 kroner av den fordelte summen stammar frå gåver som er tilbakeførte etter tidlegare tildelingar, opplyser Skeie.

I alt kom det 158 søknader om i alt 33,8 millionar kroner. 71 fekk stønad. I haust vert det ei ny mogelegheit til å søkja.

Stiftinga har vedteke å lengja ordninga med koronafond, der det framleis står 300.000 kroner att.