Raudekrossen gjorde seg kjent
Norheimsund og Arne og Åsane Røde Kors Hjelpekorps viste seg fram og diska opp i «Mormorbakken» langfredag.
Publisert
Sist oppdatert
Ifylgje leiar Ingeborg Steine Jensen var 300–400 personar innom «standen» i skibakken ovanfor landhandelen. Målet var å gje hyttefolk og andre høve til å gjera seg kjende med aktivitetane til dei frivillige hjelparane.
Dei frivillige baud på ymse mat og vart kvitt mellom anna om lag 250 bålpannesteikte pølser, 100 bollar, 50 liter saft og eit par kaker i det fine vêret. Stemninga var god og arrangementet vellukka, fortel Jensen, som planlegg ein reprise i 2024.
Annonse
Raudekrossen fekk ei ekstra viktig rolle langfredag, ettersom mobilnettet ikkje fungerte i delar av Kvamskogen. Dimed vart folk oppmoda om å oppsøkja Raudekrossen om dei trong å koma i kontakt med naudetatane. Nettet kom etter kvart i drift att.
