Rasmussen vald igjen
Publisert
Sist oppdatert
Nær åtte månader etter stiftinga 8. mai i fjor hadde Naturvernforbundet i Hardanger ved årsskiftet vel 260 medlemer. Det opplyser lokallaget i ei pressemelding etter det aller fyrste årsmøtet, som vart avvikla i Norheimsund 14. mars.
Der vart Klaus Rasmussen frå Kvam attvald som leiar. Med seg i styret har han Elin Lervik frå Ullensvang, Oddvar Soldal frå Kvam, Christen Winthertun frå Ullensvang, Vigdis Nielsen frå Ulvik, Bård Kråkvik frå Ullensvang, Arjo Kvamme frå Ullensvang og Bas van de Wiel frå Kvam. Varalemer er Lisa Karine Haugland, Leona Wunderlich og Tore Bergun frå Ullensvang, pluss Geir Flatabø frå Ulvik.
