Ras stengde veg

Det opplyser Jarle Flotve, driftsleiar for veg og anlegg i Kvam herad. Han seier heradet fekk melding om raset like før klokka 06.30. Ei melding vart send ut til bebuarar på Klyve-sida av raset, og heradet reiste ut for å stengja vegen.

Bebuarane syrgde sjølve for båttransport til skuleborna, som vart henta med drosje ved kraftstasjonen.

Ifylgje Flotve var ein geolog på plass klokka 07.30 for å sjå på raset. Han avklara at det ikkje var fare for nye ras, og ein entreprenør vart kalla inn til å rydda vegen.

Om lag klokka 10.30 var vegen open att for trafikk.