Ras sperra vegen i Tokagjelet
Sundag morgon og føremiddag gjekk det fleire fleire ras i Tokagjelet, fortel lensmann Terje Sperrevik i Kvam og Samnanger lensmannsdistrikt. Den første meldinga kom i sekstida om morgonen, då jord, steinar og eit tre sperra vegbana. Ifølgje Sperrevik førte raset til at vegen var stengd i eit par timar.
Klokka 10.43 fekk politiet melding om eit nytt ras eit stykke nedanfor det første raset. Massane stengde det eine køyrefeltet, men det var mogleg å passera i det andre. Om lag klokka 12.30 var vegbana rydda.
